15/01/2015, 16/01/2015, 17,01/2015, 18/01/2015, 19/01/2015, എന്നീ തീയതികളില്‍ നടന്ന മത്സരങ്ങളുടെ ഫലങ്ങള്‍
 |
സംസ്ഥാന സ്കൂള് കലോത്സവത്തിന് കോഴിക്കോട്ട് തുടക്കമായി. മലബാര്‍ ക്രിസ്ത്യന്‍ കോളേജ് ഹയര്‍സെക്കന്‍ഡറി സ്കൂളിലെ മുഖ്യവേദിയില്‍ മുഖ്യമന്ത്രി ഉമ്മന്‍ചാണ്ടി വിളക്ക് തെളിച്ചു. കോഴിക്കോടിന്റെ പാരമ്പര്യവും ചരിത്രവും പറഞ്ഞുനീങ്ങിയ ഘോഷയാത്ര കലോത്സവ ചരിത്രത്തില്‍ വേറിട്ട അധ്യായമായി. ഏഴായിരത്തോളം വിദ്യാര്‍ഥികള്‍ അണിനിരന്ന ഘോഷയാത്ര എഡിജിപി എന്‍ ശങ്കര്‍റെഡ്ഡി ഫ്ളാഗ് ഓഫ് ചെയ്തു.
സ്വാഗതഗാനത്തോടെയായിരുന്നു ഉദ്ഘാടന സമ്മേളനം തുടങ്ങിയത്. കോഴിക്കോടിന്റെ സവിശേഷതകള്‍ വാഴ്ത്തിപ്പാടിയത് 63 സംഗീതാധ്യാപകരായിരുന്നു. മുന്നൂറോളം കുട്ടികള്‍ ദൃശ്യാവിഷ്കാരമൊരുക്കി. വിദ്യാഭ്യാസ മന്ത്രി പി കെ അബ്ദുറബ്ബ് അധ്യക്ഷനായി. മന്ത്രിമാരായ എം കെ മുനീര്‍, കെ സി ജോസഫ്, എംപിമാരായ എം കെ രാഘവന്‍, എം ഐ ഷാനവാസ്, എംഎല്‍എമാരായ എ കെ ശശീന്ദ്രന്‍, പി ടി എ റഹീം, വി എം ഉമ്മര്‍, പുരുഷന്‍ കടലുണ്ടി, ഇ കെ വിജയന്‍, ജില്ലാ പഞ്ചായത്ത് പ്രസിഡന്റ് കെ ജമീല, കലക്ടര്‍ സി എ ലത, സിറ്റി പൊലീസ് കമ്മീഷണര്‍ എ വി ജോര്‍ജ്, വിഎച്ച്എസ്ഇ ഡയരക്ടര്‍ സി കെ മോഹനന്‍, കൗണ്‍സിലര്‍ ജീന്‍ മോസസ്, റവ. വിനോദ് കല്ലന്‍, ടിന്‍സലില്‍ ഫിലിപ്പ്, മുഹമ്മദ് ഹാഷിര്‍ എന്നിവര്‍ സംസാരിച്ചു. പൊതുവിദ്യാഭ്യാസ ഡയരക്ടര്‍ കെ ഗോപാലകൃഷ്ണഭട്ട് സ്വാഗതവും ഹയര്‍സെക്കന്‍ഡറി ഡയരക്ടര്‍ കെ എന്‍ സതീഷ് നന്ദിയും പറഞ്ഞു.
പ്രധാനവേദിയില്‍ പൊതുവിദ്യാഭ്യാസ ഡയരക്ടര്‍ കെ ഗോപാലകൃഷ്ണഭട്ട് പതാക ഉയര്‍ത്തി. കലോത്സവ പതാക വാനിലുയരവെ കുട്ടികള്‍ ബലൂണുകള്‍ പറത്തി. ബാന്‍ഡ്വാദ്യവും ശിങ്കാരിമേളവും ചടങ്ങ് കൊഴുപ്പിച്ചു. കളരിപ്പയറ്റും ഒപ്പനയും തിരുവാതിരയും മാറ്റുകൂട്ടി. ആദ്യ ദിവസം പത്തുവേദികള്‍ ഉണര്‍ന്നു. മുഖ്യവേദിയില്‍ പൊതുവിദ്യാഭ്യാസ ഡയരക്ടര്‍ കെ ഗോപാലകൃഷ്ണഭട്ട് പതാക ഉയര്‍ത്തി.
21വരെ നീളുന്ന കലോത്സവത്തില 232 ഇനങ്ങളിലായി 11,000 കലാപ്രതിഭകള്‍ മത്സരിക്കുന്നു. അപ്പീലുകള്‍ ഈ കലോത്സവത്തിന്റെയും നിറംകെടുത്തുമെന്നാണ് ആശങ്ക. വെള്ളിയാഴ്ച 16 വേദികളില്‍ മത്സരങ്ങള്‍ നടക്കും.
സംസ്ഥാന സ്ക്കൂള്‍ കലോത്സവം- ഫോട്ടോ ഗാലറി
കലോത്സവം തുടങ്ങി; നന്മയുടെ ഗാനത്തോടെ
കോഴിക്കോട്: കോഴിക്കോടിന്റെ തനത് പാരമ്പര്യം വിളിച്ചറിയിക്കുന്നതായിരുന്നു കലോത്സവത്തിന്റെ വരവറിയിച്ചുകൊണ്ടുള്ള ഘോഷയാത്ര. മന്ത്രി പി.കെ അബ്ദുറബ്ബ് അടക്കമുള്ളവര്‍ ഘോഷയാത്രയ്ക്ക് നേതൃത്വം നല്‍കി. വിവിധ കലാരൂപങ്ങളും നിശ്വലദൃശ്യങ്ങളും ഘോഷയാത്രയ്ക്ക് മിഴിവേകി.
ഉച്ചയ്ക്ക് 2.30 ന് കോഴിക്കോട് ബീച്ചില്‍ നിന്നാണ് ഘോഷയാത്ര ആരംഭിച്ചത്. 50 സ്‌കൂളുകളില്‍ നിന്നായി ആറായിരത്തോളം കുട്ടികള്‍ ഘോഷയാത്രയില്‍ അണിനിരന്നു. റോളര്‍ സ്‌കേറ്റിങ്ങ്, പഞ്ചവാദ്യം, മുത്തുക്കുടകള്‍,തെയ്യം,ചെണ്ടമേളം,ബലൂണ്‍ ഡിസ്‌പ്ലേ, ശിങ്കാരിമേളം, തുടങ്ങിയവ ശ്രദ്ധേയമായി. കനത്ത വെയിലിനെ അവഗണിച്ച് കുട്ടികള്‍ ഒപ്പന, ദഫ്മുട്ട്,കോല്‍ക്കളി,മാര്‍ഗം കളി, കളരി,കരാട്ടെ, കുഞ്ഞാലിമരക്കാര്‍ പ്‌ളോട്ട്,കൂത്ത് തുടങ്ങിയവ അവതരിപ്പിച്ചു.സ്റ്റുഡന്റ് പോലീസും സ്‌കൗട്ട് ഗൈഡ് കുട്ടികളും ഘോഷയാത്രയില്‍ അണിനിരന്നു.
ഘോഷയാത്രയിലെ വൈിധ്യമാര്‍ന്ന പ്രദര്‍ശനത്തിനുള്ള സമ്മാനം കോഴിക്കോട് മീഞ്ചന്ത രാമകൃഷ്ണ മിഷന്‍ എച്ച്എസ്എസിന്റെ ഫ്ളോട്ടിന് ലഭിച്ചു. പെണ്‍കുട്ടികളുടെ വിദ്യാഭ്യാസത്തിനായി പോരാടിയതിന് സമാധാന നോബല്‍ നേടിയ മലാലയായിരുന്നു ഫ്ളോട്ടിന്റെ വിഷയം.
കോഴിക്കോടിനുത്സവം
കോഴിക്കോട്: ഉത്സവമായി. സംസ്ഥാന സ്കൂള് കലോത്സവത്തിന് കൊടിയേറി. അണിഞ്ഞൊരുങ്ങിയ കോഴിക്കോട് നഗരം കൂടുതല്‍ സുന്ദരിയായി. കലയുടെ
232 ഇനങ്ങളിലായി 11,000ഓളം വിദ്യാര്‍ഥികള്‍ മത്സരങ്ങളില്‍ പങ്കെടുക്കും. ഹയര്‍സെക്കന്‍ഡറി വിഭാഗത്തില്‍ 105 ഇനങ്ങളിലാണ് മത്സരം. ഹൈസ്കൂള് വിഭാഗത്തില്‍ 89. അറബിക് സാഹിത്യോത്സവവും സംസ്കൃതോത്സവവും 19 ഇനങ്ങളിലാണ്. വ്യാഴാഴ്ച രാവിലെ ഒമ്പതിന് പൊതുവിദ്യാഭ്യാസ ഡയറക്ടര്‍ കെ ഗോപാലകൃഷ്ണഭട്ട് പതാക ഉയര്‍ത്തി. ബിഇഎം ഹയര്‍സെക്കന്‍ഡറി സ്കൂളില്‍ രജിസ്ട്രേഷന്‍ ആരംഭിച്ചു
കടപ്പുറത്തുനിന്നും ഘോഷയാത്ര ആരംഭിച്ചു.. എഡിജിപി എന്‍ ശങ്കര്‍റെഡ്ഡി പതാക വീശി.. 50 സ്കൂളുകളില്‍നിന്നായി ആറായിരത്തോളം കുട്ടികള്‍ അണിനിരന്ന ഘോഷയാത്രയില്‍ കേരളത്തിന്റെ സാംസ്കാരികത്തനിമ വിളിച്ചോതുന്ന കലാരൂപങ്ങളും നിശ്ചലദൃശ്യങ്ങളും പങ്കെടുത്തു. ഘോഷയാത്ര മുഖ്യവേദിയായ മലബാര്‍ ക്രിസ്ത്യന്‍ കോളേജ് ഹയര്‍സെക്കന്‍ഡറി സ്കൂള് മൈതാനത്ത് സംഗമിച്ചു.
കേരളാ സ്ക്കൂള്‍ കലോത്സവത്തിന്റെ മത്സരഫലങ്ങള്‍ തത്സമയം മൊബൈല്‍ ഫോണിലേക്ക് എസ്.എം.എസ് സന്ദേശം വഴി ലഭിക്കുവാന്‍ ചുവടെ ആവശ്യമായ കോളത്തില്‍ ക്ലിക്ക് ചെയ്യുക
(ക്ലിക്ക് ചെയ്ത ശേഷം ലഭിക്കുന്ന കോളത്തില്‍ അവരവരുടെ പേരും മൊബൈല്‍ നമ്പറും ടൈപ്പ് ചെയ്ത് നിയമാവലികള്‍ അംഗീകരിക്കുന്നതായുള്ള കോളം ബട്ടണ്‍ ടിക്ക് ചെയ്ത് Send OTP ബട്ടണ്‍ ക്ലിക്ക് ചെയ്യുക. അതിനു ശേഷം മൊബൈലിലേക്ക് വരുന്ന OTP കോഡ് ആവ്ശ്യമായ കോളത്തില്‍ ടൈപ്പ് ചെയ്ത് എന്‍റര്‍ കീ പ്രസ്സ് ചെയ്യുക)
അന്തര്‍ജില്ലാ സ്ഥലംമാറ്റം : അപേക്ഷ ക്ഷണിച്ചു
പൊതുവിദ്യാഭ്യാസ വകുപ്പിലെ സര്‍ക്കാര്‍ സ്‌കൂളുകളിലെ ഹൈസ്കൂള് പ്രൈമറി അധ്യാപകരില്‍ നിന്നും 2014-15 അധ്യയന വര്‍ഷത്തെ അന്തര്‍ജില്ലാ സ്ഥലംമാറ്റത്തിന് അപേക്ഷ ക്ഷണിച്ചു. ഓണ്‍ലൈനായി അപേക്ഷിക്കാം. 2015 ജനുവരി 24 ന് വൈകിട്ട് അഞ്ച് മണിവരെ അപേക്ഷകള്‍ രജിസ്റ്റര്‍ ചെയ്യാം. വിശദാംശങ്ങള്‍ക്ക് പൊതുവിദ്യാഭ്യാസ വകുപ്പിന്റെ വെബ്‌സൈറ്റ് സന്ദര്‍ശിക്കുക.
CIRCULAR : WEBSITE : SAMPLE APPLICATION
CIRCULAR : WEBSITE : SAMPLE APPLICATION
No comments:
Post a Comment